Ochiq, shaffof demokratik  saylovlarga tayyorgarlik ko‘rish va o‘tkazishda xalqaro tashkilotlar va xorijiy kuzatuvchilarning ishtiroki muhim  ahamiyatga ega. Ko‘pchilik mamlakatlarda saylovlarni kuzatish insonning siyosiy huquqlarining ta’minlanishining muhim  jihati hisoblanadi.

25 oktyabr kuni O‘zLiDePda Partiya Siyosiy Kengash Ijroiya qo‘mitasi raisi Aktam Xaitov Turkiy  tilli davlatlar Parlament assambleyasi rahbari Osman Mesten boshchiligidagi delegatsiya bilan uchrashdi. 

Tadbirda  joriy yilning 27 oktyabr kuni bo‘lib o‘tadigan Oliy Majlis  Qonunchilik palatasi va mahalliy Kengashlari saylovlariga tayyorgarlik ko‘rish va o‘tkazish masalalari muhokama qilindi. O‘zLiDeP vakillari   saylov jarayoni, ayniqsa  targ‘ibot ishlari davomida  partiyaning roli va o‘rni bilan bog‘liq masalalarga alohida e’tibor qaratdi.

Shuningdek, joriy yilda  saylovlarni aralash saylov tizimi asosida o‘tkazish xususiyatlari, jumladan O‘zLiDeP ning saylovoldi ishlari   strategiyasi va taktikasiga kiritilgan o‘zgarishlar yuzasidan ham ma’lumot taqdim etildi.

Uchrashuv do‘stona muhitda bo‘lib o‘tdi.